அஜித் பட டீஸருக்கு விஜய் பாராட்டு – வேதாளத்துக்கே விக்கலெடுக்க வைத்த விஷமிகள்

கடந்த இரு தினங்களாக ஒரு செய்தி ஊடகங்களில் உலா வருகிறது. வேதாளம் டீஸரைப் பார்த்து விஜய் பாராட்டினார் என்பதுதான் அந்த செய்தி. விஜய் எங்கு பார்த்தார்? யாரை பாராட்டினார்? யாரிடம் பாராட்டை தெரிவித்தார்? இந்த விவரங்கள் எதுவுமில்லாமலே வதந்தி ஹாயாக உலா வந்தது (நாம் அந்த செய்தியை போடவில்லை என்பது முக்கியமானது).

அஜித்தும் விஜய்யும் நட்பாதான் இருக்காங்க, ரசிகர்கள்தான் அடிச்சிக்கிறாங்க என்று, இந்த செய்தியை முன்வைத்து அட்வைஸ் மழைகளும் பொழிந்தன. இந்த களேபரத்துக்கு காரணமாக இருந்தது ஒரு புகைப்படம்.

சதுரங்கவேட்டை ட்ரெய்லரை விஜய் பாராட்டிய புகைப்படத்தில் சதுரங்கவேட்டை படத்தை எடுத்துவிட்டு வேதாளம் படத்தை ஏதோ விஷமி விவரமாக மாற்றியதன் பக்க விளைவுதான் இந்த போலிச் செய்தி.

வாட்ஸ் அப், ஃபேஸ்புக், ட்விட்டரை எல்லாம் கொஞ்ச காலத்துக்கு தடை செய்யணும் சாமியோவ்.

‘தல’ தீபாவளி: ‘யு’ சான்றிதழுடன் நவம்பர் 10ம் தேதி ரிலீஸ் ஆகும் வேதாளம்

சென்னை: அஜீத்தின் வேதாளம் படத்திற்கு யு சான்றிதழ் கிடைத்துள்ளது. படம் வரும் நவம்பர் மாதம் 10ம் தேதி ரிலீஸாக உள்ளது. சிறுத்தை சிவா இயக்கத்தில் அஜீத் இரண்டாவது முறையாக நடித்துள்ள படம் வேதாளம். இந்த படம் மூலம் முதல்முறையாக ஸ்ருதி ஹாஸன் அஜீத்துடன் ஜோடி சேர்ந்துள்ளார். படப்பிடிப்பை விறுவிறுவென நடத்தி முடித்தார்கள்.

ஆனால் ரிலீஸ் தேதியை மட்டும் உறுதி செய்யாமல் இருந்தார்கள். இந்நிலையில் வேதாளம் படம் சென்சார் போர்டுக்கு சென்றது. படத்தை பார்த்த சென்சார் போர்டு அதிகாரிகள் எங்கும் கத்தரி போடாமல் யு சான்றிதழ் அளித்துள்ளனர். இதையடுத்து படம் வரும் நவம்பர் மாதம் 10ம் தேதி ரிலீஸாகும் என்று தெரிவிக்கப்பட்டுள்ளது. இந்த செய்தியை அறிந்த அஜீத் ரசிகர்கள் இந்த தீபாவளி தல தீபாவளி டா என்று அதை கொண்டாட தற்போதே தயாராகிவிட்டார்கள். வேதாளம் படத்தில் நடிக்கையில் காலில் காயம் ஏற்பட்டதையடுத்து அஜீத்துக்கு அறுவை சிகிச்சை நடக்க உள்ளது. தற்போது அவர் ஸ்டிக் உதவியுடன் நடந்து வருகிறார் என்பது குறிப்பிடத்தக்கது.